BQO-da volonterdiń uıymdastyrýymen taǵy bir jalǵyzbasty ana baspanaly boldy
Osy qaıyrymdylyq isin uıymdastyrǵan Jańaqala aýylynyń turǵyny, jas volonter Móldir Hatımýllınanyń aıtýynsha, J.Sadyqova buǵan deıin jataqhananyń bir bólmesin jaldap kelgen eken.
«Qaıyrymdylyq jumysymen eki jyldan beri aınalysyp kelemin. Kishkentaı qyzymen páter jaldap turyp jatqan ananyń jaǵdaıyn kórgennen keıin halyqtan kómek surap, qarjy jınadym. Úndeýimdi qoldaǵan aýdan turǵyndary 450 myń teńge, osy aýyldyń 1987 jylǵy jastary 200 myń teńge jınap berdi. Osylaısha jalǵyzbasty anaǵa 650 myń teńge turatyn baspana alyp berdik. Aldaǵy ýaqytta tótenshe jaǵdaı bitip, karantınnen qutylǵannan keıin qaıyrymdylyq qoryn ashyp, mundaı jumystarmen dendep shuǵyldanǵym keledi», dedi QazAqparat tilshisine M.Hatımýllına.
«Baspanasyz júrý qıyn eken. Páter jaldaýdyń ońaı emestigin basynan keshkender biledi. Qashan shyǵaryp jiberer eken dep bireýge jaltańdap otyrasyń, odan ketseń, taǵy páter izdeısiń. Qyzymnyń sabaq oqýy da kerek. Osy qıyndyqtan qutqarǵan Móldir sińilime, barsha turǵyndarǵa alǵysymdy aıtamyn», dedi Jansulý Sadyqova.
Eske sala keteıik, budan buryn BQO-da aýdandyq gazettiń bastamasymen jalǵyzbasty áıelge baspana alynyp berilgenin jazǵan bolatynbyz.
