BQO-da veterınarııalyq qaýipsizdikti qamtamasyz etý úshin 1 mlrd astam teńge bólindi
BQO veterınarııa basqarmasynyń basshysy Serik Nurmaǵanbetovtiń óńirlik kommýnıkatsııalar qyzmeti alańynda málim etkenindeı, sonyń ishinde epızootııalyq is- sharalarǵa 878,5 mln teńge, sanıtarlyq soıýdy uıymdastyrýǵa 57,4 mln, buralqy ıt-mysyqty aýlaý men bıozararsyzdandyrýǵa 63,1 mln, mal ıelerine ótemaqy tóleýge 15,3 mln, enzootııalyq is-sharalarǵa 24,2 mln, birdeılendirý derekqoryn tehnıkalyq súıemeldeýge 19,8
mln, veterınarııalyq preparattardy tasymaldaýǵa 7 mln teńge qarastyryldy.
Serik Bazarulynyń sózine qaraǵanda, epızootııaǵa qarsy veterınarııalyq is-sharalar aıasynda maldyń asa qaýipti 11 aýrýyna qarsy 5,9 mln, brýtsellez dertine dıagnostıkalyq zertteýler júrgizýge 2,2 mln manıpýlıatsııa jasaý josparlanyp otyr.
Qazirgi tańda maldyń asa qaýipti aýrýlarynyń aldyn alý úshin QR AShM Veterınarııalyq baqylaý jáne qadaǵalaý komıteti tarapynan 2,8 mln doza kóleminde veterınarııalyq preparattar bólindi.
Bıyl maldyń enzootııalyq aýrýlaryna qarsy (iri qaranyń gıpodermatorzy) 136,5 myń bas iri qarany vaktsınatsııalaý kózdelýde.
«Jyl basynan beri janýarlardyń asa qaýipti juqpaly aýrýlarynyń jeti (4 qutyrý, 3 qarasan) oshaǵy tirkeldi.
Barlyq oshaqta tıisti veterınarııalyq is-sharalar tolyqtaı atqaryldy. Asa qaýipti aýrýlar boıynsha epızootııalyq jaǵdaı turaqty. Sol sekildi kúni búginge deıin 32,2 myń bas
iri qara (112 paıyz) brýtsellezge zerttelip, sonyń 362 basy oń nátıje kórsetti, ıaǵnı shaldyǵý kórsetkishi – 1,1 paıyz.
Barlyq sanıtarlyq mal ýaqtyly soıýǵa tapsyrylýda. Qazirgi tańda ótken jyldan kele jatyrǵan iri qara brýtsellezinen qolaısyz 8, sondaı-aq usaq mal brýtsellezi shyqqan 1 eldi
mekende saýyqtyrý jumystary júrgizilýde», dedi S.Nurmaǵanbetov.
Aýyl sharýashylyǵy janýarlaryn birdeılendirý aıasynda 2021 jyly 231 myń bas iri qara, 674,4 myń bas qoı-eshki, 508 bas túıe, 17 myń bas shoshqany birdeılendirip, 48 myń bas jylqyny tańbalaý josparlanyp otyr. Kúni búginge 49 myń bas iri qara (100 paıyz), 36 myń bas qoı-eshki (100 paıyz), 142 bas túıe (100 paıyz), 5 myń bas shoshqa (100 paıyz) birdeılendirilip, 3 myń bas jylqy (100 paıyz) tańbalandy.
