BQO-da velosıpedimen júrgen 4 jasar qyzdy avtokólik qaǵyp ketti
ORAL. QazAqparat - BQO-da velosıpedimen júrgen 4 jasar qyzdy avtokólik qaǵyp ketti, dep habarlaıdy QazAqparat tilshisi.
Oqıǵa Syrym aýdanynda oryn aldy.
Aýdandyq polıtsııa bóliminen túsken málimetke qaraǵanda, 8 mamyr kúni keshkisin saǵat 21.50-de aýdan ortalyǵy Jympıty aýylyndaǵy «Neftek» janar-jaǵar maı stansasy mańynda «GAZel» avtokóligi velosıpedimen júrgen qyzdy qaǵyp ketken.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, qyz velosıpedimen aýladan jolǵa shyǵyp ketken. Júrgizýshi jedel járdem shaqyrǵan. Aýdandyq aýrýhanaǵa jetkizilgende, qyzdyń jaǵdaıy ortasha aýyr boldy.
«Bas pen mıdyń jabyq jaraqaty jáne mıdyń shaıqalýy degen dıagnozdarmen qyz oblystyq aýrýhanaǵa jetkizildi. Osynda emdelip, 15 mamyr kúni aýrýhanadan shyqty. Jaǵdaıy qanaǵattanarlyq», dedi QazAqparat tilshisine A.Saqposynova.
Eske sala keteıik, budan buryn Oralda avtokólik qaqqan er adamnyń mert bolǵanyn jazǵan edik.
