BQO-da velosıped mingen qarııany kólik qaǵyp ketti
ORAL. QazAqparat - Batys Qazaqstan oblysynda velosıped mingen qarııany avtokólik qaǵyp ketti, dep habarlaıdy QazAqparat tilshisi.
Qaıǵyly oqıǵa búgin tańmen Oral-Atyraý joly boıynda, qalaǵa qarasty Serebrıakov kenti tusynda oryn aldy.
Kent turǵyndarynyń sózine qaraǵanda, qatty jyldamdyqpen kele jatqan «Sharan» avtokóligi joldyń Serebrıakovpen qıylysynda velosıpedpen óteıin dep bara jatqan seksen jastaǵy Q. esimdi qartty qaǵyp ketken. Marqum baý-baqsha salatyn balasyna kómektesý úshin baryp-kelip júredi eken. Oqıǵa saǵat 07.20 shamasynda boldy.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, jedel járdemge qońyraý saǵat 08.10-da shalynǵan. Jedel járdem kóligi 08.25-te jetken. Qarııa jedel járdem kelgenge deıin kóz jumdy.
