BQO-da velosıped mingen adamdy qaǵyp ketken júrgizýshi ustaldy
ORAL. QazAqparat - Batys Qazaqstan oblysynda velosıped mingen adamdy qaǵyp ketken júrgizýshi ustaldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, 4 tamyz kúni saǵat 03.55 shamasynda belgisiz bireý avtokóligimen Samara-Shymkent jolynyń 268-shaqyrymynda velosıpedpen bara jatqan E-ny qaǵyp ketip, oqıǵa ornynan boı tasalaǵan bolatyn.
Jol apaty saldarynan E. degen azamat jedel járdem kelgenge deıin oqıǵa ornynda kóz jumdy.
27 qarasha kúni jergilikti polıtsııa qyzmeti men krımınaldyq polıtsııa qyzmetkerleri atalǵan qylmysqa kúdikti retinde 1997 jylǵy A-ny anyqtap, qolǵa túsirdi.
Qazirgi kezde tergeý amaldary júrgizilýde.
Aıta keteıik, jyl basynan beri kisi ólimine soqtyrǵan 4 jol-kólik oqıǵasynan keıin júrgizýshi boı tasalaǵan. Olardyń bári de anyqtalyp, jaýapqa tartyldy.
