BQO-da úzdik ýchaskelik polıtsııa ınspektory belgili boldy
ORAL. QazAqparat - Batys Qazaqstan oblysynda úzdik ýchaskelik polıtsııa ınspektory belgili boldy, dep habarlaıdy QazAqparat tilshisi.
Oblystyq polıtsııa departamentiniń baspasóz qyzmetinen túsken málimetke qaraǵanda, «Úzdik ýchaskelik ınspektor» baıqaýy tártip saqshylarynyń bedelin kóterý jáne olardy yntalandyrý maqsatynda uıymdastyryldy.
Baıqaýdyń birinshi satysynda aýmaqtyq bólimshelerde úzdikter anyqtaldy.
Fınaldyq saıysqa 13 ýchaskelik ınspektor qatysyp, olardyń qyzmet babyndaǵy nátıjeleri ǵana emes, adamgershilik jáne iskerlik qarym-qabiletteri eskerildi.
Inspektorlar atys jáne dene daıyndyǵynan, sondaı-aq normatıvtik-quqyqtyq aktilerdi bilý deńgeıinen synǵa tústi.
Baıqaý qorytyndysynda Oral qalasy polıtsııa basqarmasy jergilikti polıtsııa qyzmeti bóliminiń ýchaskelik ınspektory, polıtsııa maıory Talǵat Óksimbaev jeńimpaz atandy.
Talǵat Jumagereıuly ishki ister organdarynda 20 jyldan astam ýaqyt boıy qyzmet etedi. Endi ol shilde aıynda Nur-Sultan qalasynda ótetin respýblıkalyq baıqaýda baq synaıdy.
