BQO-da úsh jasar qyzǵa qol jumsaǵan áıel tergelýde
ORAL. QazAqparat - BQO-da úsh jasar qyzǵa qol jumsaǵan áıel tergelýde, dep habarlaıdy QazAqparat tilshisi.
BQO densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, 2016 jylǵy qyz bala Qaztalov aýdanynan oblystyq aýrýhanaǵa 14 qańtar kúni túsken.
«Qazir onyń jaǵdaıy aýyr, turaqty. Neırohırýrgııa bólimshesinde em alýda», dedi A.Saqposynova.
BQO polıtsııa departamentiniń baspasóz qyzmeti bolǵan oqıǵany rastady.
1985 jylǵy áıel qyz balaǵa dene jaraqattaryn salǵan. Atalǵan derek boıynsha QR QK 106-baby 2-bóligine sáıkes (kórineý kámeletke tolmaǵan adamǵa qatysty densaýlyqqa qasaqana aýyr zııan keltirý) tergeý amaldary júrgizilýde.
