BQO-da úsh kúnde myńnan astam jol erejesin buzýshylyq tirkeldi
ORAL. QazAqparat - Batys Qazaqstan oblysynda úsh kúnde myńnan astam jol erejesin buzýshylyq tirkeldi, dep habarlaıdy «QazAqparat» tilshisi.
BQO ІІD jergilikti polıtsııa qyzmetinen túsken málimetke qaraǵanda, jol-kólik oqıǵalarynyń aldyn alý, júrgizýshilerdiń jaýapkershiligin arttyrý maqsatynda 5-9 qańtar aralyǵynda «Qaýipsiz jol» jedel aldyn alý sharasy ótkizilýde.
Jergilikti polıtsııa qyzmetiniń ókilderi úsh kúnde 1196 jol erejesin buzýshylyqtyń betin ashty. Sonyń ishinde 38 júrgizýshiniń avtokólik róline mas kúıinde otyrǵany anyqtaldy. 120-dan astamy jyldamdyqty shekten tys arttyrǵany úshin, 197-si burylý erejesin buzǵany úshin ákimshilik jaýapkershilikke tartyldy. Sondaı-aq 288 júrgizýshi qaýipsizdik belbeýin taqpaǵan bolyp shyqty.
Aıta keteıik, bıylǵy jyl basynan beri óńirde 9 jol-kólik oqıǵasy bolyp, sonyń saldarynan 4 adam qaza tapty, 13-i túrli jaraqat aldy.
