BQO-da úsh kúnde 67 qylmys áshkerelendi
ORAL. QazAqparat - Batys Qazaqstan oblysynda úsh kúnde 67 qylmys ashyldy, dep habarlaıdy «QazAqparat» tilshisi.
BQO ІІD jergilikti polıtsııa qyzmetinen túsken málimetke qaraǵanda, 12-14 jeltoqsan aralyǵynda oblysta ótkizilgen «Quqyq tártibi» jedel aldyn alý sharasy kezinde ashylǵan qylmystyń 17-si qoǵamdyq oryndarda jasalǵan. Sonymen qatar buryn jasalǵan 29 qylmys ashylyp, izdestirilýde júrgen 5 qylmysker ustaldy.
Úsh kún ishinde 1400-den astam ákimshilik quqyqbuzýshylyqtyń joly kesildi. Sonyń 130-dan astamy usaq buzaqylyq bolsa, qoǵamdyq oryndarǵa mas bolyp barýdyń 230 deregi anyqtalǵan. Sonymen qatar jol erejesin buzýdyń 641 deregi belgili boldy. Sonyń ishinde 33 júrgizýshi kólikke mas kúıinde otyrǵan.
Aıta keteıik, aldaǵy meıram kúnderi ishki ister departamentiniń jeke quramy kúsheıtilgen qyzmet túrine kóshpekshi, kósheler men qoǵamdyq oryndarda qosymsha kúzet uıymdastyryldy.
