BQO-da úsh kúnde 1303 jol erejesin buzý oqıǵasy tirkeldi
ORAL. QazAqparat - Batys Qazaqstan oblysynda «Qaýipsiz jol» jedel aldyn alý sharasy kezinde BQO ІІD jergilikti polıtsııa qyzmetkerleri úsh kún ishinde 1303 jol erejesin buzýshylyqtyń jolyn kesti, dep habarlaıdy «QazAqparat» HAA tilshisi.
BQO ishki ister departamentiniń baspasóz qyzmetinen túsken málimetke qaraǵanda, sonyń ishinde qaýipsizdik belbeýin taqpaǵany úshin 212, jyldamdyqty shamadan tys arttyrǵany úshin 173, jaıaý júrginshilerdiń jol erejesin buzǵany úshin 134, qozǵalý erejesin buzǵany úshin 131, kólik aıdap kele jatyp uıaly telefonmen sóıleskeni úshin 127 adam jaýapqa tartyldy. Sondaı-aq 47 júrgizýshiniń kólikti mas kúıinde aıdaǵany belgili boldy. Al 35 adam kólik quralyn basqarýǵa quqyǵy bolmasa da, rýlge otyrǵan. Oǵan qosa 8-i kólik quralyn basqarý quqyǵynan aıyrylǵan bolyp shyqty.
Jaıaý júrginshiler arasynda jol erejesin buzýshylyqty anyqtaýǵa polıtsııaǵa stýdenttik jasaqtar men qoǵam ókilderi tartyldy.
Aıta keteıik, bıyl jyl basynan beri oblys aýmaǵynda 34 jol-kólik oqıǵasy tirkelip, sonyń saldarynan 4 adam qaza taýyp, 41-i túrli jaraqat aldy.
