BQO-da úsh qabatty jataqhananyń shatyry ushty: turǵyndar kóshirildi me

ORAL. KAZINFORM — Batys Qazaqstan oblysy Tasqala aýdany Tasqala aýylynda kúshti jel úsh qabatty jataqhananyń shatyryn ushyryp áketti.

BQO ákimdiginen málim etkenindeı, oqıǵa 14 jeltoqsan kúni saǵat 14.00-de Abaı kóshesi 32-mekenjaıynda boldy.

Ǵımarat shatyrynyń jalpy aýdany 1 500 sharshy metr bolsa, aldyn ala málimet boıynsha sonyń 600 sharshy metri jerge túsken. 

— Jataqhanada 60 bólme bolsa, sonyń 25-inde 57 adam turady. Turǵyndardy ýaqytsha ornalastyrý máselesi boıynsha bir otbasy (2 adam) aýdandyq «Shuǵyla» lagerine kóshýge kelisim berdi. Basqalary óz bólmelerinde qalatyny nemese jaqyn-jýyqtaryna baratyny jóninde aıtty. Jóndeý jumystary 15 jeltoqsan kúni tańmen bastalady, — dep habarlady vedomstvodan.

Ákimdik málimeti boıynsha, sonymen qatar 13 jeltoqsan kúni Bókeı ordasy aýdany ortalyǵy Saıqyn aýylynda aýdandyq bilim berý bólimi ǵımaraty shatyrynyń bir bóligi zaqymdandy. Oǵan qosa 14 jeltoqsanda Saraljyn aýylynda mektep ǵımaraty bir bóliginiń jáne Bısendegi mektep qazandyǵynyń shatyrlary qulady.

Eske sala keteıik, budan buryn BQO-da boranǵa baılanysty birqatar aýdanda elektr jaryǵy óshkenin jazǵan edik.

Sondaı-aq BQO-da 16 myńnan astam abonent elektr jaryǵynsyz qaldy.

BQO-da sý munarasy qulap, bir adam joǵalyp ketti.