BQO-da úsh avtokólik túıisip, Nissan Patrol órtenip ketti

ORAL. QazAqparat - Batys Qazaqstan oblysynda úsh avtokólik túıisip, Djıp órtenip ketti, dep habarlaıdy QazAqparat tilshisi.

BQO TJ departamentiniń baspasóz qyzmetinen túsken málimetke qaraǵanda, 16 jeltoqsan kúni túske taman Aqjaıyq aýdany aýmaǵynda boldy.

«Atyraý-Oral jolynyń 393-shaqyrymynda Jańabulaq aýyly tusynda Jańaqala aýdanyna ketip bara jatqan 1994 jylǵy júrgizýshi Nissan Patrol (Djıp) avtokóliginiń rýline ıe bola almaı, qarsy betke shyǵyp ketken. Sodan keıin 1975 jylǵy júrgizýshi aıdap kele jatqan Ford Galaksı, 36 jastaǵy er adam rýlde bolǵan Aýdı-100 avtokóligine soqtyǵysqan. Saldarynan Djıp kóligi janyp ketti. BQO polıtsııa departamentiniń málimeti boıynsha úsh adam Aqjaıyq aýdandyq aýrýhanasyna jetkizildi», dep habarlady vedomstvodan.

BQO polıtsııa departamentiniń baspasóz qyzmeti oqıǵany rastap, tolyq aqparattyń keıin beriletinin jetkizdi.

BQO densaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, jedel járdem saǵat 12.04-te shaqyrtyldy.

Oqıǵa saldarynan tórt adam zardap shekti. Aldyn ala dıagnoz boıynsha 1965 jylǵy áıel bas pen mıdyń jabyq jaraqatyn alǵan. 1974 jylǵy áıeldiń mıy shaıqalǵan.

Ekeýi de sanynan synyq jaraqatyn alǵan. 1974 jylǵy er adam bas pen mıdyń jabyq jaraqatyna qosa mańdaıyn jyryp alǵan.

1986 jylǵy áıeldiń ıyǵy synyp, keýdesin soǵyp alǵan. Bári de Aqjaıyq aýdandyq aýrýhanasyna tústi.

Eske sala keteıik, budan buryn BQO-da aýa raıynyń nasharlaýyna baılanysty jol jabyldy eki respýblıkalyq joldyń jabylǵanyn jazǵan bolatynbyz.