BQO-da ulttyq joba aıasynda energetıkalyq nysandar jańǵyrtylyp jatyr

Oral qalasynda negizgi jylý jelileriniń biri – № 7 jylý magıstralin qaıta qurý jumystary júrgizilip jatyr.

BQO energetıka jáne turǵyn úı-kommýnaldyq sharýashylyq basqarmasynyń basshysy Beıimbet Mýsınniń málim etkenindeı, atalmysh joba aıasynda T.Masın jáne M.Júnisov kóshesi boıynda 1,8 shaqyrym qubyr aýystyrylady. Qazirgi ýaqytta merdiger qazý jumystaryn júrgizip jatyr. Tozýy 75-80 paıyzǵa jetken qubyrda apatty jaǵdaı kóp bolatyn. Mundaǵy jumystardy jylytý maýsymy bastalǵanǵa deıin bitirý kózdelip otyr.

«Jaıyqjylýqýat» AQ bas dırektory Baqytjan Ákimǵojınniń naqtylaýynsha, № 7 jyly magıstrali 1987 jyly iske qosylǵan, buǵan deıin ár jerdegi aqaýlar jóndelip kelgen. Jobanyń jalpy quny – 2,5 mlrd teńge. Qaıta qurý kezinde penopolıýretan – aldyn ala oqshaýlanǵan qubyrlar salynady. Onyń qyzmet etý merzimi – 50 jyl. Osy magıstral arqyly shahardyń ortalyq bóliginde 5 myńnan astam abonent jylýmen jáne ystyq sýmen qamtylady.

Ulttyq joba aıasynda sonymen qatar Zachagan kentinde 4 MVt «Sanmektep» qazandyǵyn jańǵyrtý jumysy máresine jetti. Quny 229,3 mln teńge bolatyn nysan ótken jylytý maýsymynda eki mektepti, Shaǵan polıtsııa bólimi ǵımaratyn jáne «Qazaqtelekom» AQ fılıalyn jylýmen turaqty qamtamasyz etti. «Jaıyqjylýqýat» AQ bas dırektorynyń orynbasary Bekbolat Qamashevtiń málimdeýinshe, 1974 jyly salynǵan qazandyq túgeldeı jańartyldy.

Oblys ortalyǵyndaǵy negizgi nysandardyń biri – Zachagan kentinde quny 1,8 mlrd teńge bolatyn № 29 kárizdik sorǵy stantsııasyn qaıta qurý. Joba aıaqtalǵannan keıin 50 myń turǵyn jáne 39 áleýmettik nysan turaqty sý burýmen qamtamasyz etiledi. Budan basqa, jańa abonentterdi qosý múmkindigi paıda bolady. Qazirgi kezde stantsııanyń jańa ǵımaraty salynyp jatyr.

Sol sekildi elektr jelilerin qaıta qurý jobasy oblystyń 6 aýdanynda jáne 31 eldi mekende iske asyrylyp jatyr. Jeke joba aıasynda Oralda quny 3,5 mlrd teńge bolatyn 165 km 0,4 kV áýe jelisin aýystyrý josparlanǵan. Bul elektrmen jabdyqtaýdyń senimdiligin arttyryp, qala boıynsha jelilerdiń tozýyn 5 paıyzǵa jáne oblys boıynsha 1,13 paıyzǵa tómendetýge múmkindik beredi. Máselen, 1962 jyldan beri paıdalanylyp kele jatqan jáne kúrdeli jóndeý kórmegen Krýgloozernyı kentindegi elektr jelilerin jańǵyrtý oılastyrylyp jatyr. Bul shara 700-ge jýyq abonentti qamtyp, olardy turaqty elektr qýatymen qamtamasyz etedi. Qaıta qurýǵa deıin bul ýchaskede jyl saıyn 25-ke jýyq óshirý tirkelgen.

Qazaqstan Respýblıkasy Premer-mınıstri orynbasarynyń keńesshisi Mıras Zeripbaev ulttyq joba aıasynda Batys Qazaqstan oblysynda atqarylyp jatqan jumystarǵa oń baǵasyn berip, batysqazaqstandyqtardyń birinshi bolyp iske kiriskenin atap ótti.

- Mundaı ulttyq joba elimizde alǵash ret júzege asyrylyp jatyr. Osyǵan oraı elektrondyq platformany iske qostyq. Qazaqstan boıynsha quny 1,4 trln teńge 500-den astam jobaǵa ótinimder berildi. Qazirgi tańda 512 mlrd teńge turatyn 224 joba satyp alýdyń ár túrli satysynda. ıAǵnı merdigerler aıqyndalǵannan keıin tıisti is-sharalar atqarylady. Batys Qazaqstan oblysynda bıyl jáne kelesi jyly 16 joba júzege asyrylmaq. Ulttyq jobanyń negizgi bir ereksheligi, qarjylandyrý tetikteri ár túrli. Memlekettik kompanııa bolsa, qundy qaǵazdaryn shyǵarǵannan keıin jergilikti ákimdikterge «Qazaqstan turǵyn úı kompanııasy» arqyly qarjy beriledi. Jeke menshik kompanııa bolsa, naryqtyq negizde bankten ala alady. Tarıfke yńǵaıly bolýy úshin sýbsıdııalar da kózdelgen, - dedi M.Zeripbaev.

BQO ákiminiń orynbasary Mıras Múlkáıdiń naqtylaýynsha, óńirde Aqsaı qalasynda jylý jelileriniń tozýy – 14 paıyz, onda másele týyndap otyrǵan joq. Negizgi túıtkil Oral qalasynda, ótken jyly ulttyq joba qolǵa alynǵan kezde jylý jelileriniń tozýy 54 paıyz bolsa, bıyl 49 paıyzǵa tústi. Endi 42-43 paıyzǵa deıin tómendetý josparda tur.

- Budan bylaı jylý kózi – jylý-qýat ortalyǵyna ekpin túsiretin bolamyz. Qazirgi ýaqytta ulttyq jobanyń ekinshi kezeńinde energetıka, sý qyzdyrý qazandyqtary jáne týrbınalardy jańǵyrtý maqsatynda jańa jobalar usynyp jatyrmyz. Sol sekildi sý jáne káriz qubyrlarynyń tozýy oblys ortalyǵynda 60 paıyz bolsa, ulttyq joba aıasynda sony 50 paıyzǵa tómendetý kózdelip otyr. Respýblıkadaǵy eń uzyn elektr jelileriniń biri Batys Qazaqstanda, 20 myńnan astam shaqyrymǵa jetedi. Budan úsh jyl buryn elektr jelileriniń tozýy 82 paıyz bolsa, qazir 75 paıyz. Bul baǵytta da ekinshi kezeńde alty joba qolǵa alynyp, Oral qalasy men on eki aýdanda qurylys-montaj jumystary júrgiziletin bolady, - dep qosty M.Múlkáı.

Eske sala keteıik, budan buryn Batys Qazaqstanda energetıka salasyn jańǵyrtý baǵytynda ne istelip jatqanyn jazǵan bolatynbyz.