BQO-da UBT synaǵy úsh kúnge sozylmaq
ORAL. QazAqparat - Batys Qazaqstan oblysynda búgin 1133 túlek UBT synaǵyn tapsyrdy.
BQO bilim basqarmasy mektepke deıingi jáne orta bilimdi damytý bóliminiń bas mamany Jazıra Kókenovanyń aıtýynsha, M.Ótemisov atyndaǵy Batys Qazaqstan memlekettik ýnıversıtetinde Oral qalasy men Zelenov aýdany, Jáńgir han atyndaǵy Batys Qazaqstan agrarlyq-tehnıkalyq ýnıversıtetinde oblys ortalyǵyna qosa Tasqala, Terekti aýdany, Aqsaıdaǵy №4 orta mektepte Bórli, Shyńǵyrlaý aýdany shákirtteri testileýden ótti.
Erteń Aqjaıyq, Jańaqala, Jánibek (munda Bókeı ordasy aýdany túlekteri de tapsyrady), Qaztalov, Qaratóbe, Syrym aýdandarynynyń testileý pýnktterinde 1252 túlek synaqtan ótedi. 4 maýsym kúni Oral qalasynda M.Ótemisov atyndaǵy BQMÝ men Jáńgir han atyndaǵy BQATÝ-da qalǵan 755 jas test tapsyrady.
Oblys boıynsha barlyǵy 3140 túlek (mektep bitirýshilerdiń 68,5 paıyzy) UBT-ǵa baratyn bolsa, sonyń 235-i - «Altyn belgiden», 99-y úzdik attestattan úmitker.
