BQO-da TJ departamentine jańa basshy taǵaıyndaldy
BQO TJ departamentinen túsken málimetke qaraǵanda, ıÝ.Ilın sapar barysynda jeke quramǵa QR Іshki ister mınıstriniń buıryǵymen BQO TJ departamentiniń bastyǵy bolyp taǵaıyndalǵan general-maıor Jasulan Qydyrqojauly Jumashevti tanystyrdy.
Mınıstrdiń orynbasary eki jylǵa jýyq BQO TJ departamentin basqarǵan, endi QR Іshki ister mınıstrligi TJ komıteti tóraǵasynyń orynbasary bolyp aýysqan Marat Kúldikovke tabysty eńbegi úshin alǵysyn bildirip, jańa qyzmetine sáttilik tiledi.
Sapar kezinde meımandar garnızonnyń órt sóndirý bólimderiniń, jedel qutqarý jasaǵynyń materıaldyq-tehnıkalyq bazasymen tanysyp, «Órt sóndirýshi» AQ Batys Qazaqstan fılıalynda boldy. Departament pen oǵan baǵynyshty qurylymdardyń qaramaǵyndaǵy tehnıkalar men qurylǵylardyń jaı-kúıi men daıarlyǵy tekserildi. Órt-tehnıkalyq ortalyǵyndaǵy murajaı men órt sóndirý kólikterin qurastyratyn «Oralagroremmash» AQ da nazardan tys qalǵan joq.
Aıta keteıik, J.Q.Jumashev 1968 jyly 22 qańtarda BQO-nyń qazirgi Aqjaıyq aýdany Taıpaq aýylynda dúnıege kelgen.
Bilimi áskerı joǵary, 1990 jyly Keńes odaǵynyń marshaly V.D.Sokolovskıı atyndaǵy Novocherkassk joǵary áskerı komandalyq Qyzyl Týly baılanys ýchılışesin támamdaǵan. 2003 jyly QR Qarýly kúshteriniń Áskerı akademııasyn úzdik bitirdi.
1986 jylǵy tamyzdan áskerı qyzmette.
1990 jyldan bastap túrli áskerı laýazymdardy atqardy.
2004 jyldan - Qazaqstan Respýblıkasy Respýblıkalyq ulan qolbasshysynyń apparat basshysy.
2005 jylǵy naýryzdan - BQO TJ departamentiniń bastyǵy.
2008 jylǵy naýryzdan - Atyraý oblysy TJ departamentiniń bastyǵy.
2011 jylǵy naýryzdan - QR Tótenshe jaǵdaılar mınıstrligi Aqparattandyrý jáne baılanys departamentiniń dırektory.
2012 jylǵy qyrkúıekten - QR TJ mınıstrligi Azamattyq qorǵanys departamentiniń dırektory.
2014 jylǵy qazannan QR Іshki ister mınıstrligi TJ komıteti tóraǵasynyń orynbasary boldy.
Ekinshi dárejeli «Aıbyn» ordenimen, birneshe medal, tósbelgilermen marapattalǵan.
