BQO-da túsinik jumystary nátıjesinde 43 ata-ana balasyn ektirýge kelisimin berdi
ORAL. QazAqparat - Batys Qazaqstan oblysynda óz balasyn ektirýden bas tartqan ata-analar sany azaımaı otyr, dep habarlaıdy «QazAqparat» HAA tilshisi.
BQO tutynýshylar quqyǵyn qorǵaý departamentiniń basshysy Jaıdar Qurmanovtyń aıtýynsha, ótken jyly osyndaı 160 derek tirkelgen, bul 2015 jylǵydan 15-ke artyq. Olardyń 89 paıyzy dinı nanym-senim negizinde, qalǵandary jeke sebepter boıynsha bas tartqan. Bas tartýshylardyń 68,6 paıyzy Oral qalasynyń úlesine tıedi. Atalǵan departament pen oblystyq densaýlyq saqtaý basqarmasy mamandary birlesip júrgizgen túsinik jumystary nátıjesinde 43 ata-ana balasyn ektirýge kelisimin berdi. Qazirgi tańda bilikti mamandardan qurylǵan arnaıy brıgada óz jumystaryn júıeli túrde jalǵastyrýda.
Aıta keteıik, 2016 jyldyń qorytyndysy boıynsha juqpaly aýrýlar boıynsha óńirdegi epıdemıologııalyq jaǵdaı turaqty dep baǵalanyp otyr. Oba, tyrysqaq, týlıaremııa, sal, kúl, sirespe, qyzylsha, qyzamyq, ish súzegi syndy aýrýlar tirkelgen joq. Esesine sozylmaly juqpaly gepatıtpen naýqastaný aldyńǵy jylmen salystyrǵanda, 7,9 paıyzǵa, salmonellez 2,3, VICh juqpasy týdyrǵan dert 41,5, tumaý 1,7 esege jáne bezgek sındromy gemorragııalyq qyzbasy 1 jaǵdaıǵa kóbeıdi.
