BQO-da túrmege «tramadoldyń» 95 tabletkasy sálemdeme retinde jiberilmek bolǵan

ASTANA. KAZINFORM — Ulandyqtar BQO kolonııasynda tramadol ótkizý áreketin toqtatty, dep habarlaıdy QR ІІM Ulttyq ulanynyń baspasóz qyzmeti.

трамадол
Фото: ҚР ІІМ Ұлттық ұланының баспасөз қызметі

Batys Qazaqstan oblysy ETs-28 mekemesinde QR ІІM Ulttyq ulanynyń 5517 áskerı bóliminiń áskerı qyzmetshileri qylmystyq-atqarý júıesiniń qyzmetkerlerimen birlesip, tyıym salynǵan zattardy túzeý mekemesine jetkizý áreketiniń aldyn aldy.

— Kelip túsken banderoldi tekserý barysynda temekiniń ishine muqııat jasyrylǵan 95 tabletka «Tramadol» tabylyp, tárkilendi. Esirtki jáne psıhotroptyq zattardyń kontrabandasy sottalǵandar arasynda táýeldiliktiń taralýyna, qylmystyń órshýine jáne ahýaldyń turaqsyzdanýyna yqpal ete otyryp, túzeý mekemeleriniń qaýipsizdigine eleýli qater tóndiredi, — delingen habarlamada.

Aıta ketsek, Ulttyq ulannyń áskerı qyzmetshileri qylmystyq-atqarý júıesiniń qyzmetkerlerimen birge tekserýdiń qazirgi zamanǵy ádisterin paıdalanyp, sálemdemeler men banderolderdi baqylaýǵa erekshe kóńil bóledi. Olardyń úılesimdi áreketteri men qyraǵylyǵynyń arqasynda tyıym salynǵan zattar túzeý mekemesine ótpeıdi. Tártip buzýshylar zańnamaǵa sáıkes jaýapkershilikke tartylatyn bolady.

Bas bostandyǵynan aıyrý oryndarynda esirtkiniń zańsyz aınalymyna qarsy is-qımyl Ulttyq ulan áskerı qyzmetshileri men qylmystyq-atqarý júıesi qyzmetkerleriniń basym mindetteriniń biri. Mundaı jaǵdaılar túzeý mekemelerindegi tártipti qamtamasyz etýde birlesken jumystyń tıimdiligin kórsetedi.

Osyǵan deıin Pavlodarda Ulttyq ulan orkestri ǵasyr jasaǵan soǵys ardagerine mereke syılaǵanyn jazdyq. 

Сейчас читают