BQO-da turǵyndy qorqytyp, 11 mln teńgesin tartyp alǵan 2 kúdikti ustaldy

ORAL. QazAqparat - Batys Qazaqstan oblysynda eki jyl boıy bopsalaýmen aınalysqan eki turǵyn ustaldy, dep habarlaıdy QazAqparat tilshisi.

BQO polıtsııa departamenti baspasóz qyzmetinen túsken málimetke qaraǵanda, olar Oral qalasynyń 33 jastaǵy turǵynyn qorqytyp, 11 mln teńgesin tartyp alǵan.

«Sonymen qatar odan buryn kúdiktilerdiń jábirlenýshige tıesili saıajaı men jeke dúnıe-múlikterin óz attaryna jazdyryp alǵan. Osy qylmysqa kúdikti retinde buryn isti bolǵan 1966 jáne 1980 jylǵy turǵyndar qolǵa tústi. Qazirgi kezde QR QK 194-baby 2-bóligine (bopsalaý) sáıkes sotqa deıingi tergeý amaldary júrgizilýde, dep habarlady vedomstvodan.

Eske sala keteıik, budan buryn Oralda avtokólik qaǵyp ketken áıeldiń kóptegen jaraqatpen aýrýhanaǵa túskenin jazǵan bolatynbyz.

Foto: BQO polıtsııa departamentiniń baspasóz qyzmeti