BQO-da turǵyndardan qarý satyp alýǵa 5 mln teńge bólindi
ORAL. QazAqparat - Batys Qazaqstan oblysynda turǵyndardan qarý satyp alýǵa el bıýdjetinen 5 mln 041 myń teńge bólindi, dep habarlaıdy QazAqparat tilshisi.
BQO ishki ister departamentiniń baspasóz qyzmetinen túsken málimetke qaraǵanda, el aýmaǵynda turǵyndardan zańsyz saqtalýdaǵy atys qarýyn, oq-dári men jarylǵysh zattardy satyp alý sharasy 10 sáýirde bastalady.
Qarýdy erikti túrde tapsyrǵan azamattarǵa aqshalaı syıaqy tólenedi.
Syıaqy mólsherin qarý-jaraqtyń tehnıkalyq jaı-kúıine qaraı komıssııa belgileıdi.
Aıta keteıik, ótken jyly bul maqsatqa respýblıka bıýdjetinen BQO-ǵa 8 mln 040 myń teńge qaralyp, tıisti sharalar atqarylǵan bolatyn.
