BQO-da turǵyn úılerdi sý basý qaýpi týyndady
ORAL. QazAqparat – Oralda qardyń qatty erýine baılanysty turǵyn úılerdi sý basý qaýpi týyndady, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, atap aıtqanda, 4 sáýir kúni «Sarytaý» shaǵynaýdanynda Kúltegin men A.Shaıhıev kósheleriniń qıylysynda qar sýy jınaldy.
Sonyń saldarynan úsh úıge sý kirý qaýpi týyndady. Sýdy aryq júıesimen aıdaý úshin oqıǵa ornyna TJD qyzmetkerleri jetti.
Sonymen qatar Oral qalasy TJ basqarmasy shahardyń turǵyn úı kommýnaldyq sharýashylyǵy bólimimen birlese otyryp, tótenshe jaǵdaıdyń aldyn alý úshin qatqyl tabandy joldy kesip, turba salý jumysyn atqardy.
Qazirgi kezde atalǵan ýchaskede sý basý qaýpi joıyldy.
TJ departamentiniń málimetine qaraǵanda, basqa jerlerde jaǵdaı qalypty.
Óńirde osy kezge deıin qala men eldi mekenderden 985087 tekshe metr qar shyǵarylyp, 111419 tekshe metr sý soryldy.
Eske sala keteıik, budan buryn Batys Qazaqstanda turǵyn úı órtenip, bir otbasy baspanasyz qalǵanyn jazǵan bolatyn.
