BQO-da turǵyn úıdegi órtten er adam kóz jumdy
ORAL. QazAqparat - Batys Qazaqstan oblysynda turǵyn úıdegi órtten er adam kóz jumdy, dep habarlaıdy QazAqparat tilshisi.
16 qazanǵa qaraǵan túngi saǵat 02.00 shamasynda Aqjaıyq aýdany Aqsýat aýylynda qos páterlik úı órtengen.
Aýdandyq TJ bóliminen túsken málimetke qaraǵanda, Oktıabr kóshesi boıyndaǵy №1 turǵyn úıdiń úsh bólmeli bir páteri túgel janyp ketken.
Oqıǵa ornynan sol páterde jalǵyz turǵan 1972 jylǵy er adamnyń múrdesi tabyldy.
Ekinshi páterdiń shatyry da janǵan. №24 órtpen kúres bóliminiń qyzmetkerleri oqıǵa ornyna saǵat 03.30-da jetip, «tilsiz jaý» 07.00-de aýyzdyqtalǵan.
Aıta keteıik, bıylǵy toǵyz aıda óńirde órtten 5 adam qaza tapty, bul ótken jylǵydan 50 paıyzǵa az. Sondaı-aq 23 adam jaraqat aldy, bul 2017 jylǵydan (13) 43,5 paıyzǵa kóp.
Órt sóndirý kezinde 50 adam qutqarylyp, 685 adam qaýipsiz jerge kóshirildi.
Oral qalasynda 15 qyrkúıek - 15 qazan aralyǵynda órt qaýipsizdigi aılyǵy ótkizilip, TJ qyzmetkerleri turǵyn úılerge baryp, aldyn alý jumystaryn júrgizdi.
