BQO-da turǵyn úıdegi órt ornynan er adamnyń múrdesi tabyldy
ORAL. QazAqparat – Batys Qazaqstan oblysynda turǵyn úıdegi órt ornynan er adamnyń múrdesi tabyldy, dep habarlaıdy QazAqparat tilshisi.
BQO TJ departamentiniń bas mamany Nuraly Mýsıevtiń málim etkenindeı, oqıǵa 15 maýsymǵa qaraǵan túni saǵat 00.02-de Báıterek aýdany Darııan aýylynda boldy.
Ekipáterlik jeke úı janyp, órt aýmaǵy 70 sharshy metrdi qamtydy. Órt saldarynan úıdiń tóbesi opyrylyp túsken.
Oqıǵa ornynan er adamnyń, aldyn ala boljam boıynsha úı ıesiniń denesi tabyldy.
«Tilsiz jaý» 4 qyzmetker, 2 tehnıkanyń kúshimen saǵat 01.48-de aýyzdyqtaldy.
Qazirgi kezde oqıǵa ornynda órt synaǵy zerthanasy men polıtsııa departamentiniń qyzmetkerleri jumys isteýde.
Órttiń shyǵý jáne ólim sebebi anyqtalýda. Kórshileri men ýchaskelik polıtseıdiń sózine qaraǵanda, marqum maskúnemdikke salynǵan. Birneshe ret qylmystyq jáne ákimshilik jaýapkershilikke de tartylǵan.
Jyl basynan beri óńirde turǵyn úı sektorynda 141 órt tirkelip, sonyń saldarynan 3 adam qaza taýyp, jeteýi túrli jaraqat aldy.
«Órt keıde adamdardyń masaıýy saldarynan shyǵyp jatady. Olar óz is-áreketterine esep bermeı, órt qaýipsizdigi erejelerin óreskel buzady», dedi N.Mýsıev.
Eske sala keteıik, budan buryn Oralda polıtsııa avtokóliginiń janyp ketkenin jazǵan bolatynbyz.
