BQO-da turǵyn úıdegi órt ornynan áıel adamnyń denesi tabyldy
ORAL. QazAqparat – Batys Qazaqstan oblysynda turǵyn úıdegi órt ornynan áıel adamnyń denesi tabyldy, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, oqıǵa 22 qarasha kúni Báıterek aýdany Chırov aýyldyq okrýgi Balabanov aýylynda boldy.
Saǵat 06.03-te Almaty kóshesi 10-mekenjaıynda jeke turǵyn úıdiń órtengeni jóninde habar túsken.
Jalpy aýdany 120 sharshy metrdi quraıtyn úıdiń qabyrǵasy, tóbesi janyp, sosyn túgeldeı otqa orandy.
Oqıǵa ornynan kúıik shalǵan 72 jastaǵy úı ıesi áıeldiń múrdesi tabyldy.
«Tilsiz jaý» saǵat 09.16-da oqshaýlanyp, 09.30-da tolyq aýyzdyqtaldy.
Aldyn ala boljam boıynsha órt elektr symdarynyń tuıyqtalýynan shyqqan.
Eske sala keteıik, budan buryn Oralda bir túnde birneshe adamnyń pyshaq jaraqatyn alǵanyn jazǵan bolatynbyz.
