BQO-da turǵyn úıde órt bolyp, bir adam qaza tapty
ORAL. QazAqparat – Batys Qazaqstan oblysynda turǵyn úıde órt bolyp, bir adam qaza tapty, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa búgin túnde saǵat 01.27-de Terekti aýdany Pokatılov aýylynda oryn aldy.
Abaı kóshesindegi turǵyn úıde bolǵan órt aýmaǵy 48 sharshy metrdi qamtydy.
Oqıǵa ornynan 1975 jylǵy áıeldiń múrdesi tabyldy.
Órt sóndirýge 4 adam 1 tehnıkamen bardy. «Tilsiz jaý» saǵat 02.42-de quryqtaldy.
Qazirgi kezde órttiń shyǵý sebebi, úıdiń ıesi, keltirilgen shyǵyn, kináli adamdar anyqtalý ústinde.
Eske sala keteıik, budan buryn Batys Qazaqstanda pishenniń órtenýi jıilep ketkenin jazǵan bolatynbyz.
