BQO-da turǵyn úıde gaz jarylyp, bir adam jaraqat aldy
ORAL. QazAqparat - Batys Qazaqstan oblysynda turǵyn úıde gaz ballony jaryldy, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa búgin tańmen saǵat 07.00-de Terekti aýdany ortalyǵy Fedorov aýylynda Kolhoznaıa kóshesi 6-úıde oryn aldy.
Jarylystan jeke turǵyn úı qırap, janbaǵan. Áıtse de denesin kúıik shalǵan 1965 jylǵy er adam Oral qalasyndaǵy aýrýhanaǵa jetkizildi. Onyń basy men qulaǵy, beti, qol-aıaǵy kúıgen.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, er adam oblystyq aýrýhananyń jansaqtaý bólimine jatqyzyldy. Jaǵdaıy aýyr.
Qazirgi kezde oqıǵanyń jaı-japsary anyqtalýda.
Eske sala keteıik, budan buryn Oralda bozbalanyń sýǵa ketkenin jazǵan bolatynbyz.
