BQO-da turǵyn úı túgeldeı órtenip ketti
ORAL. QazAqparat - Zelenov aýdany Dostyq aýyldyq okrýgi Chývashka eldi mekeninde turǵyn úı túgeldeı órtenip ketti, dep habarlaıdy QazAqparat tilshisi.
Dostyq aýyldyq okrýgi ákimi apparatynyń jetekshi mamany Gúlnár Muqanǵalıevanyń aıtýynsha, órt Kooperatıvnyı kóshesi 4/2 mekenjaıynda bolǵan.
Úı ıesi, 1982 jylǵy Nıkolaı Perevaı sol kúni aýylda bolmaǵan. Onyń azamattyq nekedegi áıeli, 1986 jylǵy Anastasııa Baladýrına keshki saǵat 18.30 shamasynda órt bolǵan kezde úıden shyǵyp úlgergen. Aıqaılap kómek suraǵan áıelge kúrespen aınalysatyn, bıyl «Qazaqstan barysy» aýdandyq týrnıriniń jeńimpazy atanǵan Serikqalı Shýdabaev birinshi bolyp jetip, shuǵyl járdem kórsetken. Basqa aýyl turǵyndary áıeldiń aqsha men qujattary salynǵan sómkesin ǵana alyp shyqqan.
Shamamen eki saǵattan keıin Oral qalasynan órt sóndirýshiler kólikterimen jetip, «tilsiz jaý» 22.30-da aýyzdyqtalǵan. Órttiń jalpy aýmaǵy 120 sharshy metrdi quraǵan.
«Órt gaz peshiniń aqaýynan shyqqan sekildi. Aldyn ala málimetke qaraǵanda, aıaq-qolynan jaraqat alǵan áıel Oraldaǵy kópbeıindi aýrýhanaǵa jetkizildi. Úı ıesi qazirgi kezde TJ organdaryna baryp, qajetti qujattardy jınastyrý ústinde. «Qystyń kózi qyraýda» dalada qalǵan turǵyndarǵa barynsha qoldaý-kómek kórsetiletin bolady», - dedi QazAqparat tilshisine G.Muqanǵalıeva.
S.Shýdabaevpen tildesken kezde ol da bolǵan oqıǵany rastady.
