BQO-da turǵyn úı órtenip, bir adam kóz jumdy
ORAL. QazAqparat - Batys Qazaqstan oblysynda turǵyn úıdegi órtten bir adam mert boldy, dep habarlaıdy QazAqparat tilshisi.
Oqıǵa 6 shildede túngi saǵat 01.00-de Zelenov aýdany ortalyǵy Peremetnyı aýylynda oryn aldy.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, 1961 jylǵy er adam jedel járdem kelgenge deıin kóz jumǵan. 1991 jyly týǵan er adam gazben ýlanǵan. Ol es-tússiz kúıinde Zelenov aýdandyq ortalyq aýrýhanasyna jetkizildi.
«Er adam dárigerlerdiń der kezinde kórsetken kómegi arqasynda aman qaldy. Qazir jaǵdaıy jaqsardy, úıge shyǵarýǵa daıyndap jatyr», - dedi A.Saqposynova.
