BQO-da turǵyn úı órtenip, 45 adam evakýatsııalandy
ORAL. QazAqparat – Batys Qazaqstan oblysynda turǵyn úıden órt shyǵyp, 45 adam evakýatsııalandy, dep habarlaıdy QazAqparat tilshisi.
BQO Tótenshe jaǵdaılar departamentiniń baspasóz qyzmetinen túsken málimetke qaraǵanda, oqıǵa keshe saǵat 17.30 shamasynda boldy.
Báıterek aýdany, Darııan aýylynyń M.Sholohov kóshesinde qos qabatty 8 páterli úı órtengen. №8 páterdiń tóbesi men ondaǵy jeke zattar otqa oranǵan. Jalyn sharpyǵan aýmaq 60 sharshy metrdi quraǵandyqtan, qosymsha kúshter shaqyryldy.
Turǵyn úıden 45 adam qaýipsiz jerge shyǵaryldy, sonyń 10-y – balalar.
Tilsiz jaýdy aýyzdyqtaýǵa 10 adam, 3 tehnıka jumyldyryldy.
Órt 18.30-da oqshaýlanyp, 19.54-te tolyǵymen sóndirildi.
Qazirgi kezde órttiń shyǵý sebebi, kináli adamdar, keltirilgen shyǵyn anyqtalýda.
