BQO-da turǵyn úı qurylysy 1,5 esege ósti
ORAL. QazAqparat - Batys Qazaqstan oblysynda turǵyn úı qurylysy qarqyndy júrgizilýde, dep habarlaıdy «QazAqparat» tilshisi.
BQO ekonomıka jáne bıýdjettik josparlaý basqarmasynan túsken málimetke qaraǵanda, bıylǵy on bir aıda 346,5 myń sharshy metr turǵyn úı paıdalanýǵa berildi. Ósim 1,5 esege jetip otyr.
«Nurly jer» baǵdarlamasy aıasynda bıyl 6 kóp qabatty turǵyn úı (849 páter), aýyldarda 23 turǵyn úı (43 páter) iske qosyldy. Jyl aıaǵyna deıin taǵy 3 kóp qabatty (406 páter), aýyldyq eldi mekenderde 120 turǵyn úı (126 páter) berilmekshi.
Turǵyn úı qurylysyna bıýdjetten 12,0 mlrd teńge bólindi.
2018 jylǵa turǵyn úı qurylysyna 2,2 mlrd teńge qarastyryldy. Aldaǵy jyly 12 kóp qabatty jáne 40 eki páterlik, 5 bir páterlik turǵyn úıdi (1 536 páter) iske qosý kózdelýde.
Turǵyn úı qurylysyna ınjenerlik-kommýnıkatsııalyq ınfraqurylymdy tartý úshin 1,9 mlrd teńge bólinip, uzyndyǵy 44 km jeli tartyldy. 2018 jyly ınjenerlik-kommýnıkatsııalyq ınfraqurylymdy júrgizýge 1,3 mlrd teńge, sondaı-aq jylý jelilerin qaıta qurýǵa 1,3 mlrd teńge qarastyryldy.
