BQO-da turǵyn mas kúıinde «polıtseı kóligin» urlap ketken
ORAL. QazAqparat - Batys Qazaqstan oblysynda turǵyn mas kúıinde «polıtseı kóligin» urlap ketken, dep habarlaıdy QazAqparat tilshisi.
BQO polıtsııa departamenti baspasóz qyzmetinen túsken málimetke qaraǵanda, oqıǵa 23 qyrkúıek kúni Chapaev-Jalpaqtal-Kaztalov joly boıynda boldy.
Jol-kólik oqıǵalaryn boldyrmaý maqsatynda ornatylǵan patrýldik avtokólik maketi bir túnde joq bolyp ketken.
Jedel izdestirý is-sharalary barysynda 2 saǵatqa jetpeıtin ýaqyt ishinde 1981 jylǵy ury anyqtalyp, ustaldy.
Urynyń maketti mas kúıinde jymqyrǵany belgili boldy.
Qazirgi kezde QR QK 188-baby 1-bóligine (urlyq) sáıkes sotqa deıingi tergeý amaldary júrgizilýde.
Sondaı-aq osyndaı áreketke mas kúıinde barǵany úshin QR Ákimshilik quqyqbuzýshylyq kodeksi 608-babyna sáıkes hattama toltyryldy.
Eske sala keteıik, budan buryn Oralda 3 jasar qyzdyń besinshi qabattyń terezesinen qulap kete jazdaǵanyn, ony polıtsııa qyzmetkeri qutqaryp qalǵanyn jazǵan bolatynbyz.
