BQO-da turǵyn kıik múıizderimen ustaldy
ORAL. Batys Qazaqstan oblysynda turǵyn kıik múıizderimen ustaldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa 23 qyrkúıek kúni Jańaqala aýdanynda boldy.
Aýdandyq polıtsııa bóliminiń ınspektorlary men «Ohotzooprom» RMQK qyzmetkerleri júrgizgen is-shara barysynda Jańaqazan aýyldyq okrýgine qarasty Baldyrǵan qystaǵy mańynda 1992 jylǵy turǵyn tizgindegen kólik toqtatyldy.
Tekserý kezinde avtokólik salonynan 17 dana kıik múıizi, tirkelmegen qos uńǵyly IJ markili ańshy qarýy, 16 kalıbrli oqtar jáne ara, pyshaq tabyldy.
Sondaı-aq qosymsha tekserý barysynda múıizi kesilgen 5 dana kıik ushasy tárkilendi.
Qazirgi kezde QR QK 339-babyna sáıkes (ósimdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý) tergeý amaldary júrgizilýde.
