BQO-da turǵyn izdestirilýde júrgen avtokólikti zańdastyrmaq bolǵan

ORAL. QazAqparat – Batys Qazaqstan oblysynda turǵyn izdestirilýde júrgen BMV avtokóligin zańdastyrmaq bolǵan, dep habarlaıdy QazAqparat tilshisi.
None

BQO polıtsııa departamentiniń baspasóz qyzmetkeri, polıtsııa maıory Darıǵa Májıtovanyń aıtýynsha, avtokólikke Grýzııada izdeý jarııalanǵan.

Atalǵan avtokólik saqtaý qolhatymen ıesine berildi.

«Qazirgi kezde osy derek boıynsha QR QK 385-baby 3-bóligine (kórineý jalǵan qujatty paıdalaný) sáıkes qylmystyq is qozǵalyp, tergeý amaldary júrgizilýde. Sondaı-aq saraptama jasalýda. Atalǵan bap boıynsha aıypty dep tanylǵan adam 160 aılyq eseptik kórsetkishke deıingi mólsherde aıyppul salýǵa ne sol mólsherde túzeý jumystaryna ne 160 saǵatqa deıingi merzimge qoǵamdyq jumystarǵa tartýǵa ne qyryq táýlikke deıingi merzimge qamaqqa alýǵa jazalanady», dedi D.Májıtova.

BQO polıtsııa departamentiniń málimeti boıynsha kúni búginge deıin óńirde 2130 sheteldik kólik zańdastyrylsa, sonyń 1815-i Reseıden ákelingen. Sondaı-aq 228-i Armenııadan, 82-si – «sary» nómirmen júrgender, úsheýi Arab Ámirlikterinen, bir-birden Grýzııa men Belarýstan jetkizilgen. Oǵan qosa basqa óńirlerden BQO turǵyndary aıdap ákelgen 40 avtokólik tirkeldi.

Eske sala keteıik, budan buryn Oralda sheteldik kólikterdi tirkeýge baılanysty HQKO-nyń qyzmet kórsetý ýaqyty ózgergenin bolatynbyz.


Сейчас читают