BQO-da turǵyn 12 jasar ógeı qyzyna azǵyndyq kórsetken
ORAL. QazAqparat - Terekti aýdany Barbastaý aýylynda turatyn áıel aýdandyq ishki ister bólimine kúıeýiniń óziniń qyzyna azǵyndyq kórsetkeni jóninde shaǵym túsirgen, dep habarlaıdy «QazAqparat» tilshisi.
Aýdan prokýrorynyń orynbasary Turar Nııazbaevtyń aıtýynsha, aldyn ala málimetke qaraǵanda, K. degen turǵyn sońǵy bir aı boıy 12 jasar ógeı qyzymen ońasha qalǵanyn paıdalanyp, mas kúıinde azǵyndyq jáne zorlaý áreketterin jasaǵan.
2 sáýir kúni túsken aryz sol boıda tirkeýge alynyp, tergeý amaldary júrgizilip, saraptama taǵaıyndaldy. Sonyń nátıjesinde K. ýaqytsha ustaý ızolıatoryna qamaldy. Qazir tergeý jalǵasýda. Іs boıynsha protsessýaldyq prokýror taǵaıyndaldy. Qyzǵa tıisti psıhologııalyq kómek kórsetildi.
Ókinishke qaraı, óńirde mundaı derekter budan buryn da tirkelgen bolatyn. Ondaı azǵyndyqqa barǵandardyń uzaq merzimge sottalatyny belgili.
