BQO-da Tuńǵysh Prezıdent kúnine oraı 600-den astam tártip saqshysy marapattaldy
ORAL. QazAqparat - Batys Qazaqstan oblysynda Tuńǵysh Prezıdent kúnine oraı 600-den astam tártip saqshysymarapattaldy, dep habarlaıdy QazAqparat tilshisi.
BQO polıtsııa departamentiniń baspasóz qyzmeti habarlaǵanyndaı, 29 qarasha kúni Prezıdent kúnine oraı saltanatty shara ótkizildi. Onda QR Іshki ister mınıstri, polıtsııa general-polkovnıgi Qalmuhambet Qasymovtyń quttyqtaý haty oqyldy. Qazaqstan Respýblıkasy men Astananyń qalyptasyp, damýyna sińirgen eńbegi úshin polıtsııa departamentiniń tórt birdeı qyzmetkeri «Astana 20 jyl» medalimen marapattaldy. Sondaı-aq 14 polıtsııa qyzmetkeri mınıstrdiń marapatyna ıe boldy. Óńir boıynsha 600-den astam qyzmetker BQO polıtsııa departamenti bastyǵymen yntalandyryldy.
Jıynda BQO polıtsııa departamenti bastyǵynyń birinshi orynbasary, polıtsııa polkovnıgi Asylǵalı Meńdiǵalın tártip saqshylaryn merekemen quttyqtady.
«Qazaqstan táýelsizdik alǵannan beri Elbasymyzdyń basshylyǵymen ekonomıkamyz damyp, qazaqstandyqtardyń ál-aýqaty artyp, halyq birligi nyǵaıyp keledi. Memleket basshysynyń bastamasymen «Qazaqstan- 2050» strategııasy, «100 naqty qadam» Ult jospary, Prezıdenttiń bes áleýmettik tapsyrmasy, «Rýhanı jańǵyrý», «Nurly jol» jáne basqa baǵdarlamalar júzege asyrylýda.
Elbasy bıylǵy 5 qazandaǵy Joldaýynda quqyq qorǵaý organdary, sonyń ishinde polıtsııa qyzmetkerleriniń aldyna úlken mindetter qoıdy. Soǵan sáıkes polıtsııa organdaryn túbegeıli jańartý isine bárimiz de atsalysýymyz kerek», dediA.Meńdiǵalın.
