BQO-da túnde joǵalyp ketken balyqshy aman-esen tabyldy
ORAL. QazAqparat – Batys Qazaqstan oblysynda túnde joǵalyp ketken balyqshy aman-esen tabyldy, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, oqıǵa Aqjaıyq aýdanynda boldy.
9 qarasha kúni saǵat 06.55-te balyqshynyń joǵalyp ketkeni jóninde habar túsken. Ol Alǵabas aýylynan 30 shaqyrym jerde ornalasqan Kırov sý qoımasynda túnde qaıyqpen ketkennen oralmaǵan.
Qutqarýshylar saǵat 13:05-te balyqshyny qamystyń arasynan taýyp, járdem kórsetip, jylytty.
Balyqshy jedel qımyldap, ózin qutqarǵan TJ qyzmetkerlerine alǵysyn bildirdi.
Bıyl óńirde 3 balyqshy sýǵa ketip, altaýy qutqaryldy. Ótken jyly osy kezeńde 8 balyqshy sýǵa ketip, ekeýi qutqarylǵan bolatyn.
BQO TJ departamenti adam qazasyna jol bermeý maqsatynda sý aıdyndarynda qaýipsizdik erejelerin saqtaý kerektigin eskertedi.
Eske sala keteıik, budan buryn BQO-da qatty jelden kóldiń ortasyna ketip qalǵan eki balyqshynyń qutqarylǵanyn jazǵan bolatynbyz.
