BQO-da tumaýǵa qarsy 65 myńnan astam adam egildi
ORAL. QazAqparat - Batys Qazaqstan oblysynda epıdemıologııalyq ahýal turaqty. Bul týraly óńirlik kommýnıkatsııalar qyzmeti alańynda oblystyq qoǵamdyq densaýlyq saqtaý departamentiniń basshysy Jaıdar Qurmanov málim etti, dep habarlaıdy «QazAqparat» tilshisi.
Onyń aıtýynsha, bıyl juqpaly aýrýlar kórsetkishi tómendep, dıfterııa, qyzylsha, qyzamyq, qutyrý, tyrysqaq, oba, kúıdirgi, ish súzegi, polıomıelıt, bezgek, sirespe, jiti juqpaly gepatıttiń S, E túri tirkelgen joq.
Kúz ben qysta órshıtin tumaýdyń aldyn alý maqsatynda jergilikti bıýdjet esebinen 60 myń doza, 52,2 mln teńgege Reseıden shyǵarylǵan «Grıppol plıýs» vaktsınasy satyp alyndy. Kúni búgin jergilikti bıýdjet pen jumys berýshiler esebinen jáne aqyly negizde 65103 adam egildi, bul - oblys halqynyń 10,2 paıyzy.
Ónim qaýipsizdigin qamtamasyz etý maqsatynda sanıtarlyq-epıdemıologııalyq saraptamadan ótkizý úshin 2178 synama alynsa, sonyń 1729-y - taǵam, qalǵan 449-y - basqa taýarlar. Saraptama nátıjesi boıynsha 224 sáıkessizdik anyqtalyp, onyń 63-i tamaq ónimderi, 161-i tamaq ónimderi emes taýarlar ekeni belgili boldy.
Bıylǵy on aıda 2076 tekserý uıymdastyrylsa, sonyń 1393-i erekshe tártip boıynsha, 683-i jospardan tys tekserýler boldy. Jyl basynan beri 1152 aıyppul ( jalpy somasy - 39 927 593 teńge) salynyp, sonyń 952-si (28 371 576 teńge) óndirildi. Osy merzimde 23 is sotqa berilip, 6 is boıynsha óndiris toqtatyldy, 17 is boıynsha tulǵalar ákimshilik jaýapkershilikke tartyldy.
