BQO-da tuman túsip, jel kúsheıedi
ORAL. QazAqparat - Batys Qazaqstan oblysynda tuman túsip, jel kúsheıedi, dep habarlaıdy QazAqparat tilshisi.
«Qazgıdromet» RMK BQO fılıalynyń málimeti boıynsha 2-3 sáýir kúnderi óńirdiń keı jerlerinde tuman túsedi. Ońtústik-shyǵystan soltústik-shyǵysqa aýysyp soǵatyn jeldiń jyldamdyǵy sekýndyna 15-20 metrge deıin jetýi yqtımal.
Oralda da osyndaı aýa raıy oryn alyp, jeldiń ekpini sekýndyna 18 metrge deıin kúsheıedi. Osyǵan oraı BQO TJ departamenti eskertý jarııalady.
«Qazirgi kezde tótenshe jaǵdaılardy boldyrmaý maqsatynda kúsh-quraldar daıyndyqqa keltirilip, táýlik boıy kezekshilik uıymdastyryldy», dep habarlady QazAqparat tilshisine oblystyq TJ departamentinen.
Eske sala keteıik, budan buryn oblysta 20 eldi mekendi sý basý qaýpi seıilmegenin jazǵan bolatynbyz.
