BQO-da tuman túsip, kóktaıǵaq bolady
ORAL. QazAqparat - «Qazgıdromet» RMK BQO fılıalynyń málimeti boıynsha 9 naýryz kúni keı jerlerde tuman túsip, kóktaıǵaq bolady, dep habarlaıdy QazAqparat tilshisi.
Oǵan qosa ońtústik-batystan soǵatyn jeldiń jyldamdyǵy sekýndyna 15-20 metrge deıin kúsheıedi.
Oblys ortalyǵy Oral qalasynda da kún buzylyp, jeldiń ekpini sekýndyna 18 metrge deıin jetýi yqtımal.
Osyǵan oraı BQO TJ departamenti eskertý jarııalady.
«Turǵyndar arasynda tótenshe jaǵdaılardy boldyrmaý, ómirlik mańyzy zor nysandar men elektr, baılanys jelileriniń qalypty qyzmetin qamtamasyz etý baǵytynda tıisti sharalar alynýda», dep habarlady QazAqparat tilshisine BQO TJ departamentinen.
Eske sala keteıik, budan buryn aýyldan jaıaý shyqqan bes turǵynnyń dalada qalǵanyn jazǵan bolatynbyz.
