BQO-da týberkýlezge shaldyǵý deńgeıi tómendese, keıbir juqpaly dertter kóbeıip ketip otyr

Oblystyq sanepıdqadaǵalaý departamenti derekterine qaraǵanda, týberkýlez aýrýy óńirde 2009 jyly 30,3 paıyzǵa azaısa, ótken jyly taǵy 9,3 paıyzǵa qysqarǵan bolatyn. Oblystyq statıstıka departamentinen túsken málimetke sáıkes bıylǵy qańtarda 30 adam (ótken jyly osy aıda - 34) osy dertke shaldyqqan, ókinishke qaraı, sonyń ekeýi 14 jasqa deıingi balalar bolyp otyr. Oblysta ótken jyldyń qańtar aıymen salystyrǵanda joǵary tynys joldary jiti juqpasyna shaldyqqandar (8001) 34,7 paıyzǵa kóbeıip ketti. Sondaı-aq AQTQ-ınfektsııasyn juqtyrǵandar 1 adamnan tórt adamǵa deıin jetip, 300 paıyzǵa ósti. Merez 5,6 paıyzǵa artty. Sonymen qatar qańtarda 52 ótkir ishek aýrýy, 38 pedıkýlez tirkeldi.