BQO-da «Toıota» júk kóligimen soqtyǵysty
ORAL. QazAqparat - Batys Qazaqstan oblysynda «Toıota» avtokóligi men júk kóligi soqtyǵysyp, bir adam jaraqat aldy, dep habarlaıdy QazAqparat tilshisi.
Aqjaıyq aýdanynyń ákimi Ádil Jolamanovtyń aıtýynsha, jol oqıǵasy 8 naýryz kúni saǵat 18.15 shamasynda Oral-Atyraý kúre joly boıynda Jańabulaq pen Chapaev aýyldarynyń aralyǵynda bolǵan. Abyroı bolǵanda, adamdar aman. Aýdandyq aýrýhanaǵa jetkizilgen «Toıota» avtokóliginde bolǵan er adamnyń qabyrǵasy synǵan. Onyń ómirine qaýip tónip turǵan joq.
«Qazirgi ýaqytta Oral-Atyraý, Chapaev-Jalpaqtal-Qaztalov baǵytyndaǵy joldar jabyq. Kúrdeli aýa raıyna baılanysty turǵyndar arasynda tótenshe jaǵdaılardy boldyrmaý maqsatynda sharalar alynyp, jumys tártibi kúsheıtildi», dedi «QazAqparat» tilshisine Á.Jolamanov.
