BQO-da toı, merekeler týraly habarlaǵandar syıaqy alatyn boldy
ORAL. QazAqparat – Batys Qazaqstan oblysynda karantındik shekteý sharalaryn buzǵandar týraly habarlaǵan azamattar syıaqy alady, dep habarlaıdy QazAqparat tilshisi.
BQO ákiminiń baspasóz qyzmetinen málim etkenindeı, bul týraly qoǵamdyq tártipti saqtaýǵa qatysatyn azamattardy yntalandyrý máselelerin qaraý jónindegi oblystyq komıssııanyń otyrysynda sheshildi.
Banket, úılený toıy, saltanatty, otbasylyq, eske alý, salt-joralyq jáne basqa da buqaralyq (sonyń ishinde úıde ótetin) is-sharalar týraly habarlaǵan azamattarǵa 20 myń teńge kóleminde aqshalaı syıaqy beriledi.
Atalmysh sheshim «Qoǵamdyq tártipti qamtamasyz etýge azamattardyń qatysýy týraly» Zańynyń 8-baby 3-tarmaǵyna sáıkes biraýyzdan qabyldandy.
Eger kez kelgen turǵyn kópshiliktiń qatysýymen ótip jatqan sharany baıqasa, dereý 102 nemese 112 nómirleri arqyly quzyrly organdarǵa habarlasa alady.
Oqıǵa ornyna polıtsııa men sanıtarlyq-epıdemıologııalyq qyzmetkerlerinen qurylǵan arnaıy monıtorıng toby kelip, quqyq buzýshylyq deregin tirkeıdi. Eger ol derek rastalsa, sol azamatqa syıaqy tóleý máselesi komıssııada qaralyp, sheshiletin bolady.
Іndetti birlesip qana jeńýge bolady. Bul shara da shekteý sharalarynyń buzylýyna tosqaýyl qoıýǵa septeseri anyq.
