BQO-da tórt turǵyn ómir boıyna kólik júrgizý quqyǵynan aıyryldy
ORAL. QazAqparat – Batys Qazaqstan oblysynda tórt turǵyn ómir boıyna kólik júrgizý quqyǵynan aıyryldy, dep habarlaıdy QazAqparat tilshisi.
BQO polıtsııa departamenti tergeý basqarmasy bastyǵynyń orynbasary, polıtsııa polkovnıgi Dosqalı Jumaǵalıevtiń aıtýynsha, tórt júrgizýshiniń sot sheshimderimen 2 jyl 6 aıǵa bas bostandyǵy shekteldi.
Olar kólik júrgizý quqyǵynan aıyrylǵan bolsa da, mas kúıinde rýlge otyrǵan.
Bylaısha aıtqanda, QR QK 346-baby 1-bóligine sáıkes aıypty dep tanylǵan adam bes myń AEK-ke deıin aıyppul salý nemese sol kólemde túzetý jumystaryna tartý, ne 1200 saǵatqa deıingi merzimge qoǵamdyq jumysqa jegý, bes jylǵa deıingi merzimge bas bostandyǵynan shekteý nemese aıyrý, ómir boıyna belgili bir qyzmetpen aınalysý jáne ómir boıyna kólik júrgizý quqyǵynan aıyrý túrindegi jazaǵa iligedi.
Aıta keteıik, bıylǵy 11 qańtardan beri rýlge mas kúıinde otyrǵan 32 júrgizýshi anyqtaldy.
