BQO-da tórt dúrkin álem chempıony ulttyq sport mektebiniń dırektory bolyp taǵaıyndaldy
E.Baıbatyrov – sambodan Qazaqstannyń eńbek sińirgen sport sheberi. Álem birinshiliginde tórt márte jeńimpaz atanǵan jalǵyz qazaqstandyq balýan.
BQO ákiminiń baspasóz qyzmetinen túsken málimetke qaraǵanda, Erbolat Saǵatuly eńbek jolyn 2009 jyly jekpe-jek sport túrlerinen olımpıada rezerviniń mamandandyrylǵan balalar men jasóspirimder mektebinde sambodan jattyqtyrýshy bolyp bastady.
2009-2013 jyldary QR UQK Shekara qyzmetinde áskerı boryshyn ótedi.
2013-2018 jyldary BQO ishki ister departamentiniń qyzmetkeri, sonymen qatar QR Mádenıet jáne sport mınıstrligi Sport jáne dene shynyqtyrý isteri komıteti Ulttyq shtattyq komandalar jáne sport rezervi dırektsııasynda sambodan sportshy-nusqaýshy mindetin atqardy.
2018 jyldan kúni búginge deıin ulttyq sport túrleri boıynsha oblystyq balalar-jasóspirimder sport mektebi dırektorynyń oqý-sport jumystary jónindegi orynbasary boldy.
Zaıyby Áıgerim ekeýi eki ul, eki qyz tárbıelep otyrǵan kópbalaly otbasy.
Batys Qazaqstan. QazAqparat.
