BQO-da tórt aıda 62 myńnan astam adam tirkeldi
ORAL. QazAqparat - Batys Qazaqstan oblysynda bıylǵy tórt aıda turǵylyqty jeri boıynsha 62956 adam tirkeldi. Bul týraly búgin Ortalyq kommýnıkatsııalar qyzmeti óńirlik fılıalynda BQO ІІD kóshi-qon polıtsııasy basqarmasynyń bastyǵy, polıtsııa polkovnıgi Ertas Bısenov málim etti, dep habarlaıdy «QazAqparat» tilshisi.
Onyń aıtýynsha, sonyń ishinde 29890-y oblys aýmaǵy boıynsha esepke alynǵan, 4300-i basqa óńirlerden, 12-si shet elden kelgen, 28754 azamat ýaqytsha tirkelgen. Tirkelgender sany ótken jylǵydan (18203) 3,5 esege kóbeıip otyr.
Sonymen qatar osy merzimde 2098 adam tirkeýden shyǵarylǵan. Sonyń ishinde páter ıeleriniń aryzy boıynsha 1699, sot úkimimen 121 (sottalýshylar), Qazaqstannan tys jerge ketýine baılanysty 278 adam esepten alynǵan. TMD elderine 246, alys shet elge 10 adamnyń turaqty turýy úshin ketýine ruqsat berilgen.
Kóshi-qon qyzmeti basqarmasy tórt aıda 13243 aryz qabyldap, sonyń negizinde 10545 jeke kýálik jáne 3550 tólqujat daıyndaldy.
Jalpy, basqarma boıynsha jyl basynan beri 318927 memlekettik qyzmet kórsetilgen. Sonyń 310248-i halyqqa qyzmet kórsetý ortalyǵynda, 8679-y memlekettik qyzmet organdary boıynsha kórsetildi.
