BQO-da tórt aýyl baıyrǵy ataýymen atalmaq
ORAL. QazAqparat - Batys Qazaqstan oblysynda tórt birdeı aýyldyń ataýy ózgeredi, dep habarlaıdy QazAqparat tilshisi.
Oblystyq tilderdi damytý basqarmasynyń basshysy Aıgúl Myńbaevanyń aıtýynsha, oblystyq máslıhattyń kezekten tys 21-sessııasynda depýtattar tórt eldi mekendi qaıta ataý jónindegi usynysty maquldady.
Atap aıtqanda, Bókeı ordasy aýdanyndaǵy Jambyl aýyly Jetibaı bolyp óziniń baıyrǵy ataýyn ıelenbek. Sol sekildi Tasqala aýdanynda Belenkıı Aqkútir, Chernaıa Padına Qaraoı, Ermolchev Emenjar bolyp qaıta atalmaq.
«Oblys ákimdigi men máslıhattyń birikken qaýlysy men sheshimi BQO ádilet departamentinde tirkelgennen keıin zańdy kúshine enedi», - dedi QazAqparat tilshisine Aıgúl Ádilgereıqyzy.
Eske sala keteıik, budan buryn BQO depýtattarynyń Zelenov aýdanynyń ataýyn ózgertýdi qoldaǵanyn jazǵan bolatynbyz.
