BQO-da tórt adam tabıǵı gazdan ýlandy
ORAL. QazAqparat - Batys Qazaqstan oblysynda tórt adam tabıǵı gazdan ýlandy, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa búgin saǵat 09.04-te Báıterek aýdany Darııan aýylynda Pýshkın kóshesi 11/a-mekenjaıynda oryn aldy.
Turǵyn úıde gazdan ýlanǵan 1990 jylǵy áıel adam, 2011 jáne 2012 jylǵy eki qyz, 2016 jylǵy er bala medıtsınalyq mekemege jetkizildi.
«Dáriger qaraǵannan keıin olardyń úsheýi úılerine jiberildi. 2012 jylǵy qyz bala dárigerdiń baqylaýynda. Qazirgi kezde oqıǵanyń jaı-japsary anyqtalýda», dep habarlady departamenttiń baspasóz qyzmetinen.
Eske sala keteıik, budan buryn Oralda jol apatynan úsh birdeı jasóspirimniń zardap shekkenin jazǵan bolatynbyz.
