BQO-da tok soqqan 36 jastaǵy er adam mert boldy

ORAL. QazAqparat – Batys Qazaqstan oblysynda tok soqqan 36 jastaǵy er adam qaza tapty, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkenindeı, qaıǵyly oqıǵa 1 qyrkúıek kúni keshkisin Tasqala aýdany Dostyq aýylynda boldy.

Saǵat 21.00-de qurylys jumystaryn júrgizý kezinde óz úıiniń aýlasynda 1985 jylǵy er adamdy elektr togy soqqan.

Marqum oqıǵa ornynda kóz jumdy.

Er adamnyń múrdesi Oral qalasyna sot-medıtsınalyq saraptamaǵa jiberildi.

Atalmysh derek jazataıym oqıǵa retinde tirkeldi.

BQO polıtsııa departamenti elektr quraldaryn paıdalaný kezinde abaı bolý kerektigin eske salady.

Eske sala keteıik, budan buryn BQO-da 11 adamnyń malyn urlap, 3 mln astam teńge zalal keltirgen toptyń quryqtalǵanyn jazǵan bolatynbyz.