BQO-da tóbeleste aýyr jaraqat alǵan er adam aýrýhanada kóz jumdy
ORAL. QazAqparat – Batys Qazaqstan oblysynda tóbeleste aýyr jaraqat alǵan er adam aýrýhanada kóz jumdy, dep habarlaıdy QazAqparat tilshisi.
BQO polıtsııa departamentiniń resmı ókili Bolatbek Belgibekovtiń málim etkenindeı, oqıǵa Aqjaıyq aýdany Qaraýyltóbe aýylynda boldy.
25 naýryz kúni shamamen saǵat 23.00-de 45 jastaǵy N. men 1992 jylǵy M-nyń arasynda janjal týyndap, sońy tóbeleske ulasqan.
26 naýryz kúni saǵat 08.30 shamasynda N. aǵasynyń turǵyn úıiniń jazǵy saraıynyń ishinde es-tússiz jatqan jerinen tabylyp, jedel járdemmen Aqjaıyq aýdandyq aýrýhanasyna jetkizildi. 27 naýryz kúni saǵat 05.46-da er adamnyń alǵan dene jaraqattary saldarynan qaıtys bolǵany jóninde habar tústi.
«Atalǵan derek boıynsha M-ǵa qatysty QR QK 106-baby 1-bóligine sáıkes qylmystyq is qozǵalǵan bolatyn. Qazirgi ýaqytta jábirlenýshiniń qaıtys bolýyna baılanysty is QR QK 106-baby 3-bóligine sáıkes qaıta dárejelenip, kúdikti ýaqytsha ustaý ızolıatoryna qamaldy», dedi QazAqparat tilshisine B.Belgibekov.
Eske sala keteıik, budan buryn Oralda er adamnyń besinshi qabattan qulap ketkenin jazǵan bolatynbyz.
