BQO-da tóbeles kezinde 30 jastaǵy jigit kóz jumdy

ORAL. KAZINFORM — Batys Qazaqstan oblysy Jańaqala aýdanynda adam ólimine soqtyrǵan oqıǵa boldy.

BQO Polıtsııa departamentiniń baspasóz qyzmetinen málim etkenindeı, 30 naýryz kúni Jańaqala aýylynda eki er adam sózge kelip, sońy tóbeleske ulasqan.

- Alǵan jaraqaty saldarynan 30 jastaǵy jigit oqıǵa ornynda kóz jumdy. Atalǵan derek boıynsha qylmystyq is qozǵalyp, tergeý amaldary júrgizilip jatyr. Kúdikti ýaqytsha ustaý ızolıatoryna qamaldy, - dep habarlady vedomstvodan.

BQO Densaýlyq saqtaý basqarmasy baspasóz qyzmetiniń naqtylaýynsha, marqum jedel járdem brıgadasy jetkenshe qaıtys bolyp ketken.

Turǵyndardyń sózine qaraǵanda, qandy oqıǵa dúkenderdiń birinde bolǵan.

Eske sala keteıik, budan buryn BQO-da aýdan ákimdigindegi tóbelesten aýyr jaraqat alǵan er adamnyń palataǵa shyǵarylǵanyn jazǵan edik.

Sondaı-aq Oralda jeńil kólik qaǵyp ketken áıel kóz jumdy.