BQO-da tyıym salynǵan ýaqytta araq-sharap satýdyń 70 deregi anyqtaldy

ORAL. KAZINFORM – Oral qalasynyń ákimshilik quqyq buzýshylyq jónindegi mamandandyrylǵan sotyna bıylǵy eki aıda Qazaqstan Respýblıkasynyń alkogol ónimin ótkizý jónindegi zańnamasynyń talaptaryn buzý boıynsha 70 is tústi.

BQO sotynyń baspasóz qyzmetinen málim etkenindeı, bul ótken jylǵydan (26) anaǵurlym kóp bolyp otyr. 

Osylaısha, qaralatyn ister sanynyń aıtarlyqtaı ósýi baıqalady.

Bıyl mas kúıinde jol qozǵalysy erejelerin buzý sanynyń kóbeıýine baılanysty jergilikti polıtsııa qyzmeti alkogol ónimin satýdy baqylaý boıynsha profılaktıkalyq reıdtik is-shara ótkizdi. Reıdter kezinde tyıym salynǵan ýaqytta araq-sharap satý, sondaı-aq saýda erejelerin buzý faktileri anyqtaldy.

Tekserý nátıjeleri boıynsha ákimshilik hattamalar jasalyp, sotqa joldandy.

- Sot 51 is boıynsha ákimshilik jaza qoldaný týraly qaýly shyǵardy. Úsheýi boıynsha is júrgizý toqtatyldy. 50 jaǵdaıda alkogol saýdasyna lıtsenzııalardy toqtata turý sharalary qosymsha qabyldandy jáne 4 is boıynsha jeke qaýlylar shyǵaryldy, - dep habarlady vedomstvodan. 

Eske sala keteıik, budan buryn BQO-da stalkıng jasaǵan er adamǵa aıyppul salynǵanyn jazǵan bolatynbyz.